SA ilalim ng bilog na buwan may nagtatawanan. Ikot ng basong may lamang gin, chismisan ang kanilang pulutan.
"Ang dami mo atang perang pansugal ngayon, ah! Tiba-tiba ba ata ang tindahan mo ngayon, ano Nora? Baka naman pwedeng makautang?" tanong ng chismosang hindi napigilan ang kuryosidad nang makita ang kaibigan na naglalaro pa rin pagkatapos ng sunod-sunod nitong talo.
"Hahahaha! Gaga! Alam mo namang hindi pa ako nakaramdam ng tiba-tiba dyan sa tindahan ko, sadya lang na may pinagkukunan ako ng pera ngayon... hinuhuthutan, gano'n," proud nitong kwento sa kaibigan.
"Wow. Sino naman 'yang hinuhuthutan mo, ha? Alam ba iyan ni kumpare? Ipakilala mo naman sa akin nang makaranas din ako ng swerte."
"Kilala mo iyong pamangkin kong si Cassandra?", "Aba'y oo! Iyong magandang morena na nakatir
