CASSANDRA
Maaari ko bang kunin na ngayon din ang buhay ko? Kung sakaling gawin ko iyon, maiintindihan ba ako ng Diyos? Mapapatawad niya ba ako kapag sinabi ko sa kaniya na hindi ko na gustong mabuhay pa?
Alam niya ang lahat. Nakita niya kung paano isa-isang mawala ang mga mahal ko sa buhay. Saksi siya sa paghihirap na dinanas ko, sa sakit, sa pighati; Sa balde-baldeng luha na ibinuhos ng mga mata ko.
Bata pa ako.
Bata pa ako pero bakit walang pakundangan ang paghihirap na ibinabato sa akin? Parang simula noong ipanganak ako, isinumpa na ako ng langit at lupa. Bakit pa ako hinayaan ng Diyos na mabuhay kung sa dulo'y wala akong matatamong kaginhawaan? Ilang beses kong sinabi sa sarili ko na pagsubok lang ito, malalampasan ko ito dahil walang ibinigay ang Diyos na problema na hindi ko ma
