"NAPAKAWALANGHIYA mo, Dom! Ginamit mo 'yong mag-ina para sa sariling interes mo, dinamay mo pati mga magulang mo na malaki ang paghanga at expectations sa 'yo." Biglang sumeryoso si Dominique dahil sa sinabi niya. Kitang-kita rin niya nang magtagis ang bagang nito dahilan para siya mas lalong matakot.
"And why not? Tinanggap ng babaeng 'yon ang pera ko! Nagpasasa sila ng anak niya sa pera ng parents ko kaya patas lang kami! Pagkatapos ang kapal ng mukha niyang ilaglag ako sa 'yo," galit pa rin na sabi nito. Naalala niya bigla ang mga lalaking sumundo kay Sally sa mall, at bigla siyang nag-alala para rito.
"Anong ginawa mo kay Sally kung gano'n?" Ngumisi ito ng natatakot pagkatapos ay humakbang ng ilang hakbang palapit sa kanya. "Huwag kang mag-alala dahil buhay pa naman siya. Siniguro
