NAPALUHA si Aleah matapos marinig ang kuwento ni Tyler. Naaawa rin siya sa mommy nito. Dahil sa galit ay hindi na nito nakilala ang Diyos. Hindi ganoon ang pagpakilala niya kay Charita. Napakabait nitong tao. Noong mga bata pa sila ni Tyler ay idinadamay siya nito sa meryenda na pinapabaon nito sa anak.
Kapag busy ang parents niya ay ito ang uma-attend sa meeting nila sa school. Totoo pala na ang sobrang galit ay kayang baguhin ang isang tao. Nalulungkot siya sa nangyayari. Naawa siya kay Tyler, na ngayon ay humihikbi sa kanyang harapan.
“I didn’t expect this, Aleah. You know how much I love my Mom. Pero hindi ko siya kokonsintihin sa ginagawa niya,” emosyonal na wika ni Tyler.
“Ano’ng plano mo? Huwag mong hintayin na maunahan ka ng mga pulis. Kapag nagmatigas ang mommy mo at nanlaban,
