Chapter 51
Magkakasama kami ngayon nina Vanna, King, Leny, at Hina. Nakita namin si Hina na kanina na nakasandal lang sa pader. Hinihintay rin niya pala kami para sumabay. Hinanap na namin kung nasaan ang labasan ng maze. Nakakalito ang bawat daan. Parang pare-pareho lang ang mga ito. Puro naglalakihang pader ang nakikita ko at kung ano-anong lilikuan o papasukan na hindi malaman kung ’yon ba talaga ang tamang patutunguhan. Talagang nakakalito rito sa loob. Hindi puwedeng basta-basta lang kaming dumaan dahil may posibilidad na bumalik, mapalayo o wala nang madaraanan. O kaya ang mas malala, mapunta sa patibong. Hindi rin puwedeng mawalan ng focus sa kanila dahil baka maiwan at maligaw pa.
Bukod sa mga pader, wala nang kung anumang mga bagay na nandito.
Itinuon ko na ang atensyon sa daa
