CARSON
DALAWANG TAON na rin ang nakakalipas simula nang maganap ang hindi pangkaraniwang nangyari sa pagitan namin ni Avery. Dalawang taon na rin nang huli kaming magkita ni Connor. Ang huli naming pag-uusap ay noong gabi kung kailan nahuli si Emmet. Simula noon ay wala na akong balita sa kaniya. Hangga't maaari ay iniwasan ko ang kahit anong bagay na maaaring magpaalala sa akin kay Connor.
Ipinagbawal ko ang kahit anong magazine na nagfe-feature sa kaniya. Kahit ang panonood ng TV ay tinigilan ko na rin. Maging ang pagba-browse sa internet ay pilit kong iniiwasan. Alam kong walang magandang maidudulot kung patuloy akong magkakaroon ng ugnayan kay Connor.
Mukha namang gano'n din ang nais ni Connor dahil sa loob ng kulang-kulang dalawang taon simula nang huli kaming magkita ay ni minsan
