“Akala ko talaga kanina maabutan tayo ng whitegrounders,” hindi makapaniwalang sabi ni Clastine habang iginagalaw-galaw sa apoy ang stick kung saan nakatuhog ang isang buong whitegrounder. “Grabe ang kaba ko, halos lumabas ang puso ko sa bibig ko.”
“Halatang-halata nga, eh,” nakangising segunda ni Amara.
“At sa ‘yo pa talaga nanggaling, ha,” mapang-asar na banat naman ni Clastine. “Makasigaw ka nga kanina, halos mabasag ang eardrums ko sa lakas. Hindi naman halatang takot ka, ‘no?” dagdag nito kaya matalim na napatingin sa kanya ang dungeon guide.
“Anong pinupunto mo?” mataray na tugon ni Amara at tinaasan ng kilay ang babae.
“Wala, sinasabi ko lang ang nakita ko,” inosenteng sagot ni Clastine sabay kibit ng kanyang balikat.
“Ah—“
“Tama na ‘yan, ituon n’yo na lang ang mata n’yo sa n
