“Pumunta na tayo sa Batangas para maharap natin iyang si Kristina,” sabi ko kay Max nang maiwanan kaming dalawa na kumakain ng cake.
Alam kong naguguluhan sa akin si Max dahil noong una ay hindi ko gustong pumayag pero ngayon, kailangan ko na gawin ito dahil tingin ko may ideya na si Kristina kung nasaan kami ni Max.
“Sige, may plano ka na siguro para sa mga bata kaya naiisip mong pumunta na doon,” sabi sa akin ni Max at tumango ako sa kanya. Balak kong kausapin ang iba pang mga kasamahan ni Heidee at alukin silang maging parte ng itatayo naming negosyo ni Max.
“Gusto kong umalis at kausapin ang mga kasamahan ni Heidee. Samahan mo ako,” sabi ko kay Max at tumango naman siya. Siya na ang nakipag-usap sa mga ito dahil mas may alam siya sa pakikipag-deal sa mga empleyado.
“TINATANGGAP
