KINAGABIHAN...
NASA bungad pa lang ako ng hagdanan nang maabutan ko si Torch na abalang kinakausap si Arko at ang iilang Delta. Bakas sa mukha nila na mayroon silang seryosong pinag-uusapan.
“Nakawala mula sa pagkakagapos si Alpha Scoth at ngayong gabi ang ikatatlong kabilugan ng buwan. Siguradong mawawala na naman siya sa kanyang sarili," sabi ng isang Delta.
Nangunot ang noo ko. Anong sinasabi nito at maliwanag sa pandinig ko na si Scoth ang tinutukoy nito. Pagkababa ko sa pinakahuling baitang ay tumunog ang tsinelas ko kaya lahat sila napabaling sa akin ang tingin.
“Arko, ihanda mo ang mga Delta para makasiguro tayo. P'wede kang humingi ng tulong sa DawnSoldiers pack at sa WhiteStone pack. Alam ni Darius at Stone ang dapat gawin at tiyak tutulong sila," utos ni Torch na agad nama
