"Good afternoon, Ma'am, Sir," magalang na bati sa amin ng dalawang guard na nasa entrance ng isang napakalaki at napakataas na gusali.
Isang maayos na pagtango naman ang isinagot sa kanila ni Rhyan bago kami nagpatuloy sa loob. Bumungad sa amin ang malawak at eleganteng lobby kung saan may mangilan-ngilan pang tao at mga empleyadong abala pa rin sa kani-kanilang mga trabaho kahit alas singko na ng hapon.
"Good afternoon po, Ma'am, Sir," malakas na bati sa amin ng mga empleyado habang napapatitig sa akin ang iba at bakas sa kanilang mga anyo ang kuryusidad.
Siguradong nagtataka sila sa babaeng kasama ngayon ng isa sa mga boss nila. Lalo na't magkasalikop ang mga daliri namin ni Rhyan.
"May mga tao pa ba sa itaas?" tanong naman ni Rhyan sa kanila.
"Medyo marami pa, Sir. Over time po ya
