"Jazz..." bulong ni Ricky sa tabi ko.
Na kay Dos pa rin ang atensiyon ko. Hindi ko siya hiniwalayan ng tingin.
"Sapphire, alam mo ba 'to?" narinig kong tanong ni Vanilla na nasa likuran ko.
"Hindi, ah... wala akong alam dito, guys..."
"Blessing in disguise na rin siguro 'to. Para makilala na ni Dos ang anak niya at matapos na," komento ni Yanna.
Oo nga naman.
"Mi amor!" pagtawag ni Arleta sa mapapangasawa niya na kasamang naglalakad ni Dos.
Agad na tumingin sa gawi namin iyong tinawag ni Let. Dahil dun, napatingin din sa gawi namin si Dos. Habang iyong tinawag ni Let ay malapad na ngumiti, si Dos naman ay pagtataka ang nakita ko sa mukha niya nang makita niya ako. Nagulat ba siya na nandito ako? O dahil kay Marthina na karga ko? Hindi niya kita ang mukha ni Marthina dahil patalikod
