Matias POV.
A few months later…
“Pareng M, sigurado ka ba sa ginagawa natin?”
“Wala nang ibang paraan. Hindi ko na ilalagay sa panganib ang aking mag-ina. Kaya tigilan mo na ang kakatanong, sapagkat isa lang ang sagot ko… alisin nang tuluyan ang mga taong may masamang pagtatangka.”
“Ikaw ang bahala, Pareng M. Halika na at nang matapos agad natin ang misyon.”
Bumalik kami sa basement… ang illegal na pasugalan na dating pagmamay-ari ng ama ni Gladerious. Ngunit simula nang patayin ito, si Mr. Gomez ang pumalit at siyang nagpapatakbo. Sa maraming taong lumipas, alam ko ang mga deal nila, ngunit nanahimik ako. Ngunit ngayon… kailangan ko nang kumilos bago pa tuluyang mapahamak silang dalawa.
Sa mga buwan na lumipas mula nang mamatay si Mr. Gomez, nanatiling tahimik ang lahat. Walang nag-
