“Brother Junli, Brother Baejin,” tawag ni Li Muen at tumingin naman sa kaniya ang dalawa niyang kapatid. “Alam na ninyo kung sino ang nasa likod ng pagkalason ko, hindi ba?” tumango naman sina Li Baejin at Li Junli. “Napag-alaman ko rin na hindi lang si Li Changli ang nasa likod nito, hindi niya iyon magagawa ng walang sumusuporta sa kaniya. Hindi lang iyon, hindi rin siya makakakuha ng lason na iyon dahil hindi ito maaring makalusot sa Xidi Kingdom ng hindi na-eekspesyon,” dagadg pa ni Li Muen.
“Ibig mong sabihin may iba pang kasabwat si Chang’er?” hindi makapaniwalang sambit ni Li Baejin.
Tumango si Li Muen at tumingin sa kanilang nakatatandang kapatid, “Bukod sa Bai Family wala na akong alam na pwedeng magbigay kay Chang’er ng lason na hindi nakikita sa publiko.”
“Huh?! Bai Family
