Naghiwa-hiwalay ang ibang manlalaro ngunit ang Li Family at Qin Family ay hindi. Sa katunayan ay pinalilibutan ng ibang Li Family si Li Muen na wari mo ay ayaw nila itong ipahawak sa iba.
Sa kabilang banda naman ay nakangisi si Lin Jun at saka ito nagsalita kay Lin Jing, “Brother Jing, sa tingin ko kailangan mo nang paalisin ang mapapangasawa mo sa lugar na iyan. Wala kang mapapala sa babaeng iyan kundi mapapahiya ka lamang.”
Ngumisi naman si Lin Jing at saka sinabing, “Big brother Jun, hindi natin alam kung ano ang pwedeng mangayari. Malay mo, ikaw pa ang magsisi at mapahiya sa huli,” makahulugang sambit naman ni Lin Jing.
Ikinakunot naman ito ng noo ni Lin Jun at hindi niya alam kung ano ang ibig sabihin ng kaniyang kapatid.
‘Ikapapahiya ko at ako pa ang magsisisi? Pa
