Nagsimula ang paliksahan sa mga pambato ng bawat pamilya sa calligraphy. Bawat pamilya ay may tatlong kalahok na sasali. Sa Li Family ang mga kalahok sa calligraphy ay sina Li Changli, Li Rowena, at Li Jasmine. Silang tatlo ay magkakasamang natanggap sa Arts and Calligraphy Institute upang mas lalo pang mapaghusay ang kanilang talento ngunit gayon pa man, dahil sa angking kayabangan ni Li Changli at hindi pagtugma sa ugali nina Li Rowena at Li Jasmine, silang tatlo ay hindi magkasundo sa institusyon.
Si Li Changli ay palaging minamaliit sina Li Rowena at Li Jasmine kaya naman malaki rin ang galit ng dalawang ito kay Li Changli. Sa kabilang banda, ang nauna naman sa kanilang matanggap na si Li Maine ay kakampi ni Li Changli. Dahil sa mas matagal sa institusyon si Li Maine at mas kilala si
