Iniwan nina Zhuen at Anguel sina Li Muen sa opisina at nagsabing tutulong muna sa baba kaya naman hinayaan na lamang sila ni Li Muen. Hindi rin naman maganda kung may dalawang servant na makikinig sa kanila lalo pa at isang Prinsipe ng Imperyo ang ksama nila at dalawa sa pinaka malakas na knight ng imperyo.
Nakaupo sa pang-isahang sopa si Lin Jing samantalang sa pantatluhang sopa naman sina Li Junli at Li Baejin. Sa harap nila ay nakaupo si Li Muen sa pang-isahang sopa at umiinom ng black milktea.
Dahil ito ang kauna unahang pagpunta nina Li Junli at Li Baejin sa shop ni Li Muen ay napag-isip isip niya na painumin ang mga ito ng chocolate burst milk tea at black forest milk tea. Hindi rin pinalampas ni Li Muen na hindi pakainin ng French fries ang mga kapatid nito.
“Lin Jing, alam mo
