MABILIS lumipas ang mga araw. Nakalabas na sa ospital si Mikaela at gumaling na rin ang sugat nito. Pero kailangan pa rin alagaan ni Mikaela ang kanyang sugat sa puson, dahil ayon sa doktor naghihilom lang sa labas ang dinaanan ng sanggol ngunit hindi pa ang nasa loob ng laman. Nanatiling tahimik ang puso’t isipan nina Louie at Mikaela. Parehong nakatuon ang kanilang pansin sa kanilang anak. Naisipan munang kausapin ni Louie sina Lily at Ruth tungkol sa kalagayan ni Mikaela. Para sa kanya, kailangan malaman ng mga ito ang tunay na kalusugan ni Mikaela. At isa pa, kailangan niya ng tulong para sa gagawin niyang plano para sa mental activities ni Mikaela. Kailangan niya ng maraming ideya at iba’t ibang opinyon. Iyong hindi mapapansin ni Mikaela na alam na ng lahat ang karamdaman niya.
Isang
