DUMAAN muna si Louie at Vince sa isang bakery. Bibili ng pasalubong si Louie para sa magulang ni Mikaela. Gustong-gusto kasi ng dalawang matanda ang tinapay lalo na yung ube-cheese. Pagkatapos nilang bumili, dumiretso muna sila sa hotel ni Louie. Magkahiwalay kasi sila ng pupuntahan. Hindi na bumaba si Vince sa sasakyan niya, dahil ito ang ginamit nila pagpunta sa bahay-ampunan. Hindi na rin umakyat si Louie sa kanyang penthouse, dumiretso na lang siya sa parking area. Maligalig silang pareho. Kahit walang maalala si Mikaela, parang wala silang maramdaman na problema. Nang makuha na ni Louie ang kanyang sasakyan, nakalabas na siya sa hotel, nagbibigayan na lang sila ng senyas ni Vince gamit ang kanilang mga kamay na tawagan na lang nila ang isa’t isa. Naghiwalay na sila ng daan para magbiy
