Back to Dark Claws packhouse...
Dalawang araw ang nagdaan nang makabalik sila James sa packhouse.
Tahimik ang lahat lalo na't alam ng lahat ang tungkol sa usapin ng pagiging hybrid ni Alexis. Napakabilis kasing kumalat ng balita na 'yon kung kaya't may ilan na takot at hindi mapakali na kasama sa kanilang packhouse ang isang nilalang na anumang oras ay puwedeng pumatay sa kanila habang ang iba naman ay may tiwala sa kanilang alpha lalo na't sa mismong silid ni James pinanatili si Alexis na kahit kailan ay hindi pa lumalabas ng kuwarto mula nang makabalik sa packhouse.
Kinaumagahan, nagpatawag ng malawakang pagpupulong si James. Ni isang myembro ng Darkclaws ay naroon para dinggin ang iaanunsiyo ng kanilang alpha.
Halos lahat ay napatahimik ng umakyat ang kanilang Alpha na n
