Nanginginig na napayakap si Alexis sa kaniyang sarili nang makababa siya kay Nexxus na naka-wolf form at ibinalik ang sarili sa human form nito.
Inabot agad ni Alexis kay Nexxus ang suot niyang jacket ngunit umiling lang ang binata na ikinakibit-balikat niya bago muling sinuot ang jacket na ibinigay sa kaniya ni Nexxus nang puntahan siya nito sa kakahuyan na medyo may kalayuan sa packhouse.
Napakalamig ng lugar na tinawag ni Nexxus na Howling Plains.
Nagyeyelo ang tubig sa nakita niyang river at ang mga halaman naman ay tila binudburan ng snow ngunit kahit gano'n ay napakaganda naman tignan samantalang mga puno naman ay nababalutan ng makapal na niyebe.
"Na-nasaan ba tayo?" manghang tanong ni Alexis nang makita ang kaniyang paghinga na tila naging kulay puting usok dahil
