NANG HUMINTO sina Ferlyn at Gavin sa paglalakad ay humigpit pa ang kapit niya sa kamay ni Gavin.
“Puwede na bang tanggalin ang piring ko sa mga mata?” hindi na makatiis pang tanong ni Ferlyn kay Gavin. Hindi na niya mahintay na makita kung ano ba ang naroon sa beachfront.
“Wait for a second sweetie,” ani Gavin na bumitiw pa sa pagkakahawak sa kaniyang mga kamay.
“Gavin,” reklamo na niya nang ilang sandali na ang lumipas ay hindi pa rin niya maramdaman ang presensiya nito.
Hindi tuloy niya mawari kung naroon ba talaga sa dalampasigan ang mga anak nila dahil ni isang boses mula sa mga ito ay wala siyang naririnig. Pinaglalaruan ba siya ni Gavin? Pero alam naman niya na hindi nito iyon gagawin dahil alam nitong baka makasama sa kaniyang ipinagbubuntis kapag sumama ang loob niya.
Yes, Fer
