SA araw-araw pagkainip ang nararamdaman ni Liam, sa Gonzalgo VIP Private Hospital. Hindi man lang siya dinalaw ni Micah. Samantalang lagi naman daw naroon sa silid ng parents nito. Talagang ang babaeng ito pa ang nagmamalaki. Siguro dahil alam nito na mahal na mahal niya.
Tumayo siya at hinila ang tubo na pinaglalagyan ng dextrose. Saka nagtungo sa loob ng banyo. Humarap siya sa salamin at tinaas ang suot na damit. Sinilip ang mga sugat niya sa katawan. Sa dalawang linggo niya dito sa sa ospital magmula ng dumating sila. Inalis na ang benda sa mga sugat niya. Ganun pa man kailangan pa rin niyang ingatan matamaan ng kahit anong bagay.
“Liam, matagal ka pa ba dyan?” narinig niya ang boses ng kakambal. Ngayon ang labas niya hinihintay lang ang doktor niya. Nang matapos sa loob ng banyo ay
