Dahil sa naging pag-uusap namin ni Kylie kagabi ay hindi ako nakatulog kaagad o mas tamang sabihin na ayaw kong matulog. Alas kwatro pa lang ng umaga ay gising na ako at kaagad na nagtungo sa kusina upang magtimpla ng kape. Paulit-ulit akong napabuntonghininga dahil hindi nawala sa isip ko ang aming kasunduan. Nag level up na an gaming relasyon at may label na kami. Hindi ako sanay na uminom ng kape kaya hindi ko nagustuhan ang lasa nito. Paglingon ko sa may pintuan, nagulat pa ako nang makita ang babaeng nakatayo.
“Good morning, baby,” bati ko sa kanya.
“Jericho? Ang aga mo namang nagising!”
“Hindi kasi ako nakatulog ng maayos,” sagot ko habang patuloy na ininom ang black coffee na tinimpla ko.
“Bakit?”
“Ewan ko ba kung bakit balisang-balisa ako. Gusto kitang puntahan sa silid mo
