“HON! HON… Look at me. You’re safe. Okay?” alo ni Sebastian sa asawa nang hindi ito matigil sa pag-iyak.
Nag-angat ng tingin ang asawa kapagkuwan. “S-Sebastian, s-si Ian…”
“Ssshhh… He’s okay, hon. Ligtas kayo. Hindi rin ako papayag na may mangyaring masama sa ‘yo…” Sinulyapan niya ang motorsiklong natumba pati ang rider. Hindi niya alam kung saan tumama ang pakawala na putok ng sniper niya basta duguan na itong nakahandusay. Nakalimutan yata ng mga kalaban niya na marami siyang tauhan sa paligid lang
Niyakap niya ulit ng mahigpit ang asawa nang marinig ulit ang paghikbi nito.
Ilang sandali lang ay lumapit na sa kanila ang mga tauhan para tingnan kung sino ang nagtangkang bumangga sa asawa niya. Nanggigil siya sa ginawa ng walang hiyang iyon kaya babalikan niya ito pagkahatid sa asawa.
