NAKAHIGA na si Micah nang muling sumagi sa kaniyang isipan si Samuel Junior. Hindi niya maiwasan na mapangiti nang mag-isa nang maalala niya ang mga nangyari sa isang araw na bakasyon niya sa rancho.
Inaamin ng dalaga na naging makahulugan ang bakasyon na iyon nang dahil sa binata. Hindi niya akalain na mag-e-enjoy siya nang husto sa company nito.
Taliwas naman pala sa inaasahan niyang ugali nito noon ay mabuting tao si Samuel Junior. May sense of humor na kayang sakyan ang kaniyang kapilyahan at patawanin siya sa gitna ng mga problema. Wala rin siyang masabi sa pagiging gentleman nito.
Patunay lamang ang ilang beses nitong pagpigil sa sarili para lamang hindi na maulit ang nangyari noon sa kanila. Kahit pa nga ilang beses na itong nagkaroon ng pagkakataon na maulit iyon. Katulad
