NI HINDI pinatulog si Ahtisa ng tungkol sa kasal na pinag-usapan nila ni Ran. Ginugulo siya niyon.
Kung alam lang nito, kasal nga ang isa sa iniiwasan niya. Hindi na bale na magkaroon siya ng anak. Pero ang kasal? Parang hindi pa siya handa sa bagay na iyon. Nakaramdam na naman siya ng pressure.
Mariing ipinikit ni Ahtisa ang kaniyang mga mata habang nakahiga sa kaniyang kama.
Halos tunog na nagmumula sa mga insektong panggabi ang naririnig niya ng mga sandaling iyon. Tunay na nakabibingi ang katahimikan ng gabing iyon.
Gusto na bang mag-asawa ni Ran?
Posible ba na gustuhin ng isang lalaki na magpakasal kaagad sa isang babae na halos kakakilala lamang nito?
Ahtisa, really? epal naman ng isang bahagi ng kaniyang isipan. Eh, ikaw nga, kakakilala mo lang halos kay Ran, pero ilang araw l
