HARVEY'S POV
Napahilamos ako gamit ang mga palad para mawala ang antok. Pakiramdam ko kasi ay anumang oras ay susubsob na ako sa manibela. Buong magdamag na hindi ako nakatulog. Naghihintay lang ako sa labas ng Condo building. Nagbabakasakali na baka nagising na si Fracheska at lumabas na ng Condo.
Alas siete na nang umaga. Isang oras na lang ay kailangan ko ng pumasok sa opisina. Hindi naman ako pwedeng um-absent dahil maraming appointment ngayong araw si Mr. Liu. Ako kasi ang nagsisilbing human organizer niya. I always makes sure that things will go accordingly - bagay na nagustuhan sa akin ng bilyonaryong negosyante.
Kagabi ay gusto ko nang magboluntaryo na ako na lang magbabantay kay Francheska sa Condo ni Melvin. Pero ayaw ko rin na maghinala si Mr. Liu at mabuking pa ang relasyon
