Veronica's POV
NAPABALIKWAS ako ng bangon habang habol ang sariling hininga. Tumatagaktak ang pawis mula sa aking noo at parang kabayong nakipagkarerahan sa bilis ng pagtibok ang puso ko.
"Nica, ano ba! Ginulat mo naman ako!" si Lea, nanlalaki ang mga mata nito habang nakatitig sa akin. Hindi ko siya pinansin. Itinuon ko ang mga mata ko sa labas ng bintana.
"Umaga na?" napapalunok kong tanong.
Agad na nagsalubong ang dalawa kong kilay. Panaginip? Isa lang bang panaginip ang nangyari kagabi? Ang huling natatandaan ko ay nasa kusina ako at . . . nasa harap ng pintuan. Nakita ko pa ang aswang kagabi. Nakasuot siya ng itim na hoodie—si Chronos!
Sandali lang, panaginip lang ba talaga iyon? Bakit parang totoo? Hanggang ngayon nga ay ramdam ko pa rin ang malakas na pagtibok ng puso ko.
"O
