LUNA
WALA akong choice kung hindi mauna na ngang umuwi dahil iyon ang gusto nilang lahat. Sinundo ako ni Mang Jojo na pinakabilinan pa ni Reagan na dahan-dahan lamang sa pagmamaneho bagay na tinawanan namin nina Mayang at Oliver. Over protective kasi itong masyado. Wala pa mang umbok na makikita sa tiyan ko ay akala mo kabuwanan ko na kung mag-react ito.
"Masaya kaming lahat para sa inyong dalawa ni sir Reagan, hija. Sigurado akong ito na ang mas magpapatibay sa pagsasama ninyo," nakangiti si Manang Tess habang sinasabi iyon. Nasa kusina kami noon at kasalukuyan akong kumakain ng inihanda niyang meryenda para sa akin. As usual ay ang paborito kong kakanin. Maja Blanca na tinernuhan ko ng guyabani juice na siya rin mismo ang nagtimpla.
"Siyang tunay po, Ma'am Luna. Natutuwa po kami at
