Limelight
AiTenshi
May 6, 2017
Part 32
Noong bumalik ang aking ulirat ay natagpuan ko ang aking sarili sa loob ng ospital kasama sina mama at papa. Dito ay nakaramdam ako ng ibayong kirot sa aking tiyan kaya naman wala akong nagawa kundi ang umungol at mamaluktot sa sakit.
"Anak, huwag ka munang gumalaw at di ka pa magaling. Mamatay kami ng mama mo sa sobrang pag aalala sa iyo. Mabuti at hindi ka napuruhan bagamat malaki ng tama ng bala sa iyong tiyan." ang wika ni papa.
Dito nga naalala ko yung eksenang pag balibag ko ng bato kay Albert, pumutok ang baril na kanyang hawak at dahil nga sa sobrang kaba ay hindi ko na naramdaman pa ang dulot ng pag tama nito, sinabayan pa ng pag aaway nila ni Jevan na siyang nag bigay sa akin ng halo halong emosyon. Sa huli, mabuti nalang a
