"Hindi ka yata mapakali, apo? Masama ba ang pakiramdam mo? Dadalhin ka na ba namin sa pagamutan?" may pag-aalalang tanong ni Ginang Dennise Joyce.
Kapansin-pansin naman kasi ang pananahimik nito. Hinayaan lang niya ito nang nasa hapag pa lamang sila dahil sa pag-aakalang hindi lang naging maganda ang gising. Kaso nagsimula na siyang kabahan dahil tanghali na ngunit nanatili itong tahimik at halatang balisang-balisa.
"Tama nga si Lola, Sis. Akala ko nga ay morning sickness mo lamang iyon kaya't hindi na rin ako nagsalita. Ngunit malapit na naman ang lunch time pero ganoon pa rin. Tahimik ka at halatang may dinaramdam," dagdag pahayag ni Annabelle.
Inaamin niyang hindi pa rin mawala-wala sa isipan niya ang laman ng panaginip. Totoong-totoo lahat ang kaganapang nakita kahit pa sabihing pan
