Few months later...
"Congratulations mga anak. Akala ko ay uunahan na naman kayo ng mga nakababata ninyong pinsan na mag-asawa," masayang pahayag ni Crystal Angela habang nakalahad ang mga palad.
"Wala naman pong problema kung mauna silang mag-asawa, Mama. Ang mahalaga ay Walang tatandang binata sa lahi natin."
Nakatawa ring yumakap si Gabrielle Brix sa tiyahing hindi siya pinatawad. Nasa simbahan pa lamang sila ngunit nangangantiyaw na. Kaya nga yumakap siya rito kaysa tanggapin ang nakalahad nitong palad upang kamayan siya.
"Hindi na nakapagtataka kung mahuling mag-asawa ang mga anak ni kambal, bunso. Dahil siya naman talaga ang huling nag-asawa sa ating tatlo." Panggagatong pa ni Claudette. Kaya't mas umugong ang tawanan nila. Kahit ang ilang nasa paligid nila ay nakitawa na rin.
K
