Habang nagbibihis si Jennie ay nakatanggap siya ng tawag mula kay Jordan. Huwag na raw muna siya tumuloy sa food testing ng restaurant na inarkila nilang mag-catter sa kanilang nalalapit na kasal.
Mamaya na lang daw. Gusto raw kasing bumawi si Jordan sa kanya. Magla-lunch daw silang dalawa at pagkatapos ay sasamahan na siya sa lahat ng preparasyon ng kanilang kasal.
"Ay, buti naman at naalala ka na ng Jordan mo. Malapit ko nang pag-isipan 'yon ng masamama, eh. Pero dahil babawi na ay okay na ako," nakangiting sabi ni Rose.
"Akala ko rin, sis. Kinakabahan na nga ako ilang araw na. Akala ko nagbago ang isip niyang pakasalan na ako. Saka 'di mawala sa isip ko 'yung nangyaring 'yon. 'Yung pilitin ako ni Jordan sa gano'n," pabuntong hiningang nawika niya. Nawala lahat ang bigat na dinadala n
