Kinabukasan walang ganang iniakyat ni Jennie ang mga paa sa bus. Gusto sana niyang umalis na nakapagpaalam kay Jordan pero hindi na niya ginawa dahil ni ang puntahan nga siya sa boarding ay hindi rin ginawa ng binata pagkatapos ng nangyari. Kahit naman siguro sinabi niya na tantanan na siya nito, sila ni Paul, kung mahal talaga siya ni Jordan ay hindi ito papayag 'di ba?
Pero wala eh, walang Jordan na dumating sa boarding nila para suyuin siya or simpleng kausapin man lang sana siya.
Naisip niya na baka pinigilan na ito ng ama ni Mayor. Nga lang ay masakit pa rin sa kanyang kalooban. Pwede rin naman kasi sana siyang tawagan or i-text na lang, pero kahit text or tawag wala rin, kaya ano kaya 'yon?
Umupo siya sa bakanteng upuan. Okupado ng isang lalaki iyon pero dahil pangdalawahan naman
