Hindi akalain ni Brix na mag e-enjoy siya ng husto sa field trip ng kaniyang anak. Ibang-iba ito sa nakasanayan niyang gawin sa araw-araw. Natutuwa siyang makita kung paano na-a-appreciate ng mga bata ang bawat lugar na pinupuntahan nila.
Ang una sa listahan na kanilang binisita ay ang art museum. Dahil mahilig silang mag ama sa mga paintings at marami siyang collection ng mga iyon na naka-display sa kanilang bahay ay naging malawak na ang imahinasyon si Nicole. Binigyan niya ng sariling interpretasyon ang bawat paintings na kaniyang nakikita. Ang paborito niyang pagmasdan ay ang mga abstract paintings at pigura ng mga babae. Iniisip niya ang kaniyang inang si Criselle sa mga nakapintang larawan.
Nagtagal din sila ng mahigit isang oras doon at pagkatapos ay bumiyahe naman sila patungo
