"Miss Beautiful!"
Nangunot ang noo ni Olga nang may kumalabit sa kaniya. Ang pinaka-ayaw pa naman niya ay iyong kinakalabit siya at lalong hindi niya nagustuhan kung paano siya tawagin ng kung sino mang lalaki na iyon kaya pumihit siya paharap dito.
Ang kunot ng noo niya ay lalo pang nadagdagan ng makita ang lalaking kay init-init ng panahon ay nakuha pang mag leather jacket. Nakasuot pa ito ng boots na akala mo ay isang hinete sa San Lazaro na lalaban sa karera ng kabayo. Mula sa ibaba ay ibinalik niya ang tingin dito pataas hanggang sa makarating ang mga tingin niya sa mukha nito. Parang gusto niyang humiling na bumuka ang lupa at ipalamon doon ang baduy na lalaki sa kaniyang harapan. Saan ka ba naman kasi nakakita ng lalaki na nakasuot na nga ng stripe na t-shirt tapos ang pantalon
