"Anong sabi ng bunso mo, insan?" salubong na tanong ni Enrico sa pinsan niyang halatang aburido.
"Walang ipinagbago, pinsan. Hindi raw siya transgender. Babaeng-babae raw siya. Iyan ang lagi niyang sinasabi sa tuwing kinakausap namin siya ng hipag mo," anito.
Kaya naman ay hindi na rin nakatiis si Rizza na sumabad. Aware naman kasi silang lahat ang aloofness ng bunsong anak ng bayaw niya.
"Sa lagay na iyan ay wala na tayong magagawa pa kundi ang hintayin na kusa itong tatanggap nang manliligaw. Marahil ay talagang hindi pa dumating sa buhay niya ang taong mamahalin niya, ang lalaking makapagpapalambot sa puso niya. Ang taong makapag-iiba sa pananaw nito. Kagaya nating lahat, maaring adults na tayo ngunit hindi natin puweding diktahan ang puso at isipan. Ganoon din si Princess, wala tayo
