Sinermunan kami ni Ate pagkatapos nilang mag-usap na kapatid.
"Ano, huh? Wala kayong pamilya? Wala kayong pakialam sa pamilya niyo?"
Nakayuko ako habang nakanguso naman si Andrew habang pakamot-kamot ng kaniyang ulo.
"Wala man lang kaming kaalam-alam."
"Ahm, ako po ang may kasalanan, Ate. Gusto ko po kasi na ano—"
Kaso masama niya akong tiningnan kaya nagyuko na lang uli ako ng ulo. Pagkatapos manermon ng isang oras, nag-order siya ng pagkain.
Kumain kami habang kinukwento niya sa amin ang kaniyang mga anak na naiwan sa abroad.
Umuwi lang si Ate dahil may kailangan siyang asikasuhin dito sa Pinas.
"Mag-church wedding kayo," sabi niya pa. Hindi ko alam kung bakit napunta sa kasal ang usapan.
"Next year," sagot naman ni Andrew.
"Hihintayin ko iyan. Kapag next year wala pa di
