Sobrang seryoso ng kaniyang mukha at pakiramdam ko malapit na niya akong mapaniwala. Pero hindi. Sabi ng utak ko, hibang ang lalakeng nasa harapan ko.
May nangyari ba sa kaniya nitong huling tatlong taon kaya siya nagkaganito?
Wala akong pakialam. Wala akong paniniwalaan sa mga pinagsasabi niya. Isang sinungaling ang lalakeng 'to.
Huminga ako nang malalim at umiling.
"Pasok na tayo, Jab," aya ko kay Jab. Madami akong ginagawa kaya hindi dapat ako nag-o-overthink at nagpapaapekto sa lalakeng iyon.
"Anna..."
Hindi ko na ulit siya nilingon pa. Hindi na din kami nakapag-usap pa ni Jab. Pansin ko na kanina pa siya pasulyap-sulyap sa akin, pero hindi ko na tinanong pa kung bakit.
Alam kong concern siya tungkol sa narinig niya kanina. Hindi siya dapat nagpapaniwala sa lalakeng iyon, g
