Tulog na si Andrew. Ako naman ay gising na gising. Umiiyak habang nakatingin sa mag-ama. Sobrang sakit pa din kasi.
Maga ang mga mata ko paggising ko kinaumagahan. Gising na ang mag-ama, naghaharutan sila habang naglalaro.
Naligo na din ako dahil may pasok pa ako sa school. Nagsuot lang ako ng coord na blouse and skort. Habang nag-aayos ako, nakatitig naman sa akin si Andrew. Nagtataka siguro kung bakit naka-full make up ako ngayon. Hindi naman puwedeng lumabas ako na sobrang haggard dahil sa puyat at pag-iyak.
"Puwede ka naming ihatid ni Allesia sa school?"
"Sama tayo sa school, Tito Andrew?"
Kaka-Tito ni Allesia, parang malapit na din akong ma-convince na tito lang niya ang lalake.
"Paano pag-uwi niyo?" tanong ko. Hindi naman puwede si Allesia sa harapan.
"Bumili ako ng baby
