ONE year later…
“CONGRATS, Pa, Nanay Menchu!” bati ni Alistaire sa mga magulang namin.
“Congratulations, Nay! Congratulations, Papa!” bati ko rin at yumakap sa kanila.
Araw ng kasal nina Nanay at Papa Benedicto. Isang linggo bago ang okasyon ay umuwi kaming mag-anak sa Bukidnon kabilang sina Jowell at Kuya Sandro at ang mga tagapag-alaga ng kambal. Tumulong din ako sa preparasyon kasama nina Manay Odette at Danna.
Simple lang din ang kasal nina Nanay at Papa, parang sa amin ni Alistaire - pribado at iilang bisita lang ang imbitado. Sa malawak na garden ng mansion ng mga Aguilar ginawa ang seremonya. Sa may poolside naman nakagayak ang maliit subalit, eleganteng reception.
Kasama rin sa mga dumalo sa kasal si Tatay Rudy at Tita Marina. Ilang buwan na rin mula nang magpasiyang magsama
