Twelve years ago…
Sobrang masayahin ang pamilya ni Pasha at Jether. Bawat linggo ay may bonding ang buong mag-anak , maliban na lang kung kailangang mag-overtime ni Juliet sa trabaho. Matagal ng nakahalata si Jether na parang may mali sa ikinikilos ni Pasha. Sa tingin niya kasi ay sumalungat ang mga kilos ng babae kaysa sa kasarian nito.
“Pash, halika nga rito at may itatanong lang ako,” sabi niya sa babae nang maiwan silang dalawa sa cottage.
“Ano po ‘yon, Kuya?” Tanong ni Pasha.
“Tomboy ka ba?” Hindi na siya nagpatumpik-tumpik pa at kaagad na tinanong ang babae tungkol sa kanyang hinala.
“Hindi, ah!” nagsinungaling si Pasha kasi hindi niya kayang sabihin sa lalaki ang tungkol sa tunay niyang pagkatao.
