Pagkalipas ng maraming taon ay hindi niya inakala na may nagbago kay Jether. Nawala ang dating si Jether na hate na hate siya dahil sa nangyari. Anong nakain nito at biglang nagpahiwatig na makipagbati sa kanya. Ganun lang kadali? Paano naman ang ilang taong naghirap ang kanyang kalooban?
“Par!”
Nilingon ni Chad ang lalaking sumunod sa kanya. “Bumalik ka na sa loob,” inutusan niya si Jether.
“Pero hindi pa tayo tapos mag-usap,” giit ni Jether.
“Wala na tayong dapat pag-usapan pa,” nagmatigas si Chad.
“Ano’ng wala? Eh meron kaya,” muling iginiit ni Jether na may kailangan pa silang pag-usapan ni Chad. Ewan ba niya kung bakit nababakla siya kay Chad eh. Nang mapansin niyang papasok na ang lalaki sa sasakyan nito, kaagad siyang
