Edna
Tatlong araw lang ang itinagal namin sa hospital dahil nagpumilit si Jethro na ilabas na kami. Mas mabuti daw na sa bahay na kami magpahinga dahil sumasakit ang kanyang ulo sa amoy ng hospital. Maayos naman ang lagay ng anak ko kaya pumayag na rin ako. Isa pa ay alam ko naman na hindi rin nila pababayaan ang kalagayan ni Jehan.
Paglabas namin ng hospital ay sinundo muna namin si Maria sa bahay ng kanyang mga magulang. Pumayag ako sa kagustuhan ni Jethro na magsama ulit kami sa iisang bubong at hindi ko alam kung tama ba ang naging desisyon na ko na iyon. Ngunit sa tuwing naiisip ko ang kalagayan ni Jehan ay kinukumbinsi ko ang aking sarili na tama lang na pumayag ako sa kagustuhan ni Jethro.
May kaunting baon nga akong pera pero gagamitin ko naman iyon sa pag-aaral ni Maria. Hind
