NAIGAGALAW na ni Dwayne ang kanang binti niya ngunit hindi pa kayang maiapak sa sahig. Mabuti hindi na kumontra si Ingrid na simulan ulit ang therapy sa kaliwang braso niya. Naigagalaw naman niya ito pero kailangan pa rin daw ng tulong ng therapist.
Excited na siyang makauwi sa condo ni Ingrid kahit nakabukod dito, at least makakasama niya buong araw si Slather at maaasikaso siya ni Ingrid. Malamang pumupunta rin sa condo nito si Jake.
Tiniis niya ang sakit ng therapy sa kagustuhang gumaling kaagad. Nang umagang iyon ay ang mommy ni Ingrid ang nagbantay sa kaniya kasama pa rin ang kaniyang anak. Maasikaso ang ginang, bagay na nagpaalala sa kaniya sa yumao niyang ina.
“I’m happy for your fast recovery, Dwayne. I hope you can go home next week,” ani ni Gwen habang inaayos ang kaniyang un
