WALANG choice si Dwayne kundi asikasuhin muna ang mga kaibigan niya na gustong mag-stay sa rest house niya. Kahit nakausap na niya si Mang Arnold ay gusto pa rin ng mga ito na siya ang mag-assist at mag-guide para makakuha ng VIP card sa resort nila Ingrid.
Linggo noon kaya pumayag si Ingrid na samahan siya. Gusto ring sumama ni Slather kaya maaga silang nagising at nag-almusal. Balak din niyang kunin ang kotse niya sa rest house nang may magamit siya sa Maynila.
“Baka magkakalat ang mga kaibigan mo sa Tagaytay, Dwayne. Kung ano man ang operasyon nilang ilegal, seguraduhin mo na hindi ka nila idadamay. Kinakabahan na ako,” balisang sabi ni Ingrid habang lulan sila ng kotse nito.
Siya ang nagmamaneho at guide lang si Ingrid sa daan dahil hindi pa niya gaanong kabisado ang daan palabas n
