Kabanata 71
Umakyat na lamang siya sa hagdan at pumasok sa kanyang kuwarto. Nahiga siya agad sa kama.
Hindi niya ramdam ang gutom ngayon. Nawalan na siya ng gana. Hindi pa naman siya nag-agahan dahil nga sa nagmamadali silang umalis hotel.
Gusto niya pa talagang matulog at iyon na nga ang nangyari. Nakatulog siya agad.
After thirty minutes of a nap, bigla siyang naalimpungatan dahil sa sunod-sunod na katok na narinig niya mula sa labas ng kanyang kuwarto.
Bumalikwas siya nang bangon habang napapakamot pa sa kanyang batok. Bumaba siya sa kama at agad na lumapit sa pinto.
Nang buksan niya ito ay si Maya agad ang bumungad sa kanya.
"Yes, Maya? Kung makakatok ka naman, parang hindi na ako lalabas ng kuwarto ah?" kunot-noo niyang wika rito.
"Ma'am Kristina, sorry po sa istorbo. Ang
