78 - Space
Summer's Point of View
Mugto ang mga mata at lutang. Ganiyan ang naging ayos ko habang naglalakad papunta sa iang boutiqe para bumili ng bestida na susuotin ni mama kapag inilagay na siya sa kabaong. Pakiramdam ko’y lumulutang lang ako. Wala akong ibang nararamdaman kundi labis na kalungkutan.
“Good morning, ma’am, ano pong hanap nila?” nakangiting bungad sa akin ng nagbabantay ng shop. Pero naglaho ang ngiti niya nang makita ang ayos ko at napalitan ng pag-aalala. “Ma’am, ayos lang po ba kayo?”
“Yes,” mahinang tugon ko saka huminga nang malalim. Pinilit kong ngumiti ngunit napangiwi na lang ako nang maramdaman ko ang pagkapunit ng balat ng labi ko. Sa sobrang pagdadalamhati ko ay hindi ko na naisip pang kumain at uminom ng tubig. Walang ibang pumapasok sa isipan ko kundi an
