"Almost three years na rin ako rito sa Canada," ganadong pagkukuwento ni Reza. Hindi niya ugaling magkuwento ng tungkol sa personal niyang buhay sa mga estranghero. Pero nang mga sandaling iyon ay hindi maramdaman ng dalaga na ibang tao si Colt, na ngayon lang sila nagkita. Feeling ni Reza ay matagal na silang magkakilala na dalawa. "Noon pa man ay pangrap ko na talaga ang makapagtrabaho rito."
"Nurse ka rin ba katulad nina Fritzel?" tanong ni Colt sa interesadong boses.
Gusto niyang samantalahin ang ipinapakita ni Colt na interes sa buhay niya. Ayaw niya iyong i-spoil. Lalo pa't napansin ni Reza na ito ang tipo ng taong hindi masiyadong masalita. Kaya kahit medyo nainis siya dahil sa pagkakabanggit ni Colt sa pangalan ni Fritzel, inignora iyon ng dalaga.
"Oo. Nurse din ako sa Toronto
