GABI na nang nagpaalam sila sa workshop. Napasarap ang kuwentuhan nila habang nagtatrabaho kaya hindi nila napansin ang paglipas ng oras. Pinasilip din siya ni Nikki sa isang kuwarto kung saan nagtatahi ng mga damit para sa mga patay ang ibang empleyado, lalo na ang mga kababaihan. Dumating din ang dinner na pina-order ni Caden sa kaibigan.
Kinuha ni Nikki ang isang paper bag sa trunk at ibinigay kay Caden na nagtataka.
“Ano ‘to?”
“I thought it’d come handy,” ang tugon naman ng dalaga sa katipan.
Sinilip ni Caden ang laman, isang green T-shirt at napangiti. Binigyan din siya ng dalaga ng wet wipes para ipahid sa kamay niya at katawan.
“Girl scout pala ang girlfriend ko!” ang puri niya sa dalaga saka hinubad ang pang-itaas. Nahuli niya ang pagtitig ng dalaga na nasa driver seat nakaupo
